Header Ads

حكاية بطل


                   

كلمات:إسماعيل بقوش 

راح اقول حكاية بطل
لو أعرف أغنيها
علي الربابة هدندن
وأدوب في معانيها

بالستة سنة قبل أكتوبر
مصر كانت  بتئن
جراح خمسة يونيو
والعدو كان بيشن
بالغدر يضرب عمقنا
يرمي حمم  بالطن
إغتر بذراعه الطويلة
أطفال  لا همه سن
مدارس دمر ومش فارق
وهدفه إن احنا نستسلم
وكان  دبور علي
خراب عشه  بيزن

بثورة بركان  مكتومة
كان الإعداد  بالتدريب
والعرق فينا بيمسح
في النفوس آثار تعذيب
والأمل كل يوم بيكبر
يوم إنتصارنا  قريب
ست سنوات كئيبة
والكل مستني
لحظة صدور القرار
إشارة  التأديب

وقف الرجال  جاهزين
مسلم  مسيحي  بلحمة
إخوة  ربهم  واحد
ودي أمة  متراحمة
الله اكبر  الله أكبر
هجموا  بدون  رحمة
ولادك يا مصر  وحوش
والتاريخ  شاهد
في ست ساعات خلصوا
ع العظم  واللحمة

يوم ستة أكتوبر
نقشنا في التاريخ صفحات
من نصر أكتوبر
رفعنا ع الرؤوس رايات
أقوي جيوش العالم
وقف يعيد  حسابات
النصر دا  مش من فراغ
يا دارس لازم تعرف
إن إنتصار في المعارك
مش بس  نظريات

النصر  مش فهلوة
جهد في التدريب ودروس
خضع العدو وانزوي
خرس اللي كان  مهووس
أطماعه بيها  إنكوي
كشف الأمريكان  والروس امريكا تبعت لإسرائيل
أحدث سلاح  وفلوس
وروسيا ياما إدعت
إن احنا  حال  ميئوس
يوم تعاند ويوم تساند
وسلاحها  بخلع  الضروس
لكن إرادة  ربنا
والوعد في كتابه
وقف معانا  وادانا
النصر  تاج ع  الرؤوس

يا مصر  خيرك  لشعبك
اللي اتولد  محظوظ
عشان إنتي  مصر
إسمك في الكتاب  محفوظ
إلحرب  أو في السلام
من غيرك يامصر  يبوظ
ياللي نبت من ترابك
للإنسانية أعظم  رجال
من عهد الفراعنة الأوائل
مرورا بنوبل نجيب محفوظ

وبدأنا  عهد السيسي
إلكل  يبني  ويعمر
عهد  قائد  عظيم
السواعد  بتتشمر
بدد ظلام  الخوف
وبعدله الطريق نور
إدي  الإشارة بجسارة
هنقضي ع  الفاسدين
ومهما كان اللي فاسد
مش هيقدر عليه  يحور
السيسي قائد  محنك
واقف  وصاحيلهم
واللي إيده  ملوثة
بكرة  نلاقيه  أبتر

الشمس  هلت  علينا
تحضن  بطلنا  بشوق
بتغني يوم  انتصاره
لمصر أم  الزوق
يا مصر السيسي ارفعي
راسك لفوق  ولفوق
السيسي إللي إنتصر
ع الغدر  والإرهاب
الشعب فرحان بنصرة
ولكل فجر  شروق

ليست هناك تعليقات